呢幾個禮拜日日喺屋企好乖咁飲湯同食清淡野。傷口終於埋好晒，個人出街冇咁容易唔夠氣同埋心跳。去醫院覆診都覆晒。中醫都睇埋（Yes！我會睇中醫架～～）早幾日仲大膽地過海見下D好好好朋友's。
今日做節，我陪屋企人出街，睇佢地食飯（好想食薯條呀🤤）。呀媽指住碟Rib Eye話我食得。我話真係😍😍？冇奶油，牛黎架喔，食得咩？！點知佢指住個蓮藕片⋯⋯但係塊嘢係炸嘅點食啊😑
有屋企人生日，餐廳送左個Surprise甜品。有粉紅色棉花糖同朱古力。呀媽夠膽死去舔啲粉紅色沙睇吓係真定係假。好彩原來係砂糖，不過你估佢擺咗幾耐😅？
過埋黎個禮拜就返工啦終於！第一日返去要交假紙同埋遞紙請下個月D假🤣🤣🤣🤣～
我想請定農曆新年得唔得🙊🙊🙊～我想住Igloo Hotel睇北極光，但係出年至三月D房已經訂到七成滿😮~
Search